خد دي بس للي يفهم
او ميفهمش مش هتفرق 
قصيدة عامية بعنوان
فرسة بلا خيال
فرسة جموحة
وما يركبها غير خيال
وانا وهو وهو
تلاتة كنا صحاب
بالمريلة زي بعض كنا عيال
الاوله آه
شرد بدري عنا
وقال بحبك بصوتٍ عال
بحب اهلك
واخوكِ وعمك
ولحد ما حبيت اولاد الخال
وف وقت السؤال
جاوبت وقالت
- انا زي الفريك
ما احب لي شريك
واذهب ايها الديك
لعشة فراخك صيح
كاكا و كوكو اخرتها توصل لكيك
يا مخلص وعبيط
يا فصيح وركيك
يا من ظن اني بقيت له
بشوية رسايل وصلتله
كل ما فيها خطوط شخابيط
ده مش كلام عشق اللي انا كاتباه
مش قولنا م الاوله آه
والتانية آهين
صاحبنا التاني طلع ف غفلة من زمن
جدودو كانوا عبيد
يستعاروا بلا تمن
عمل فيها اهبل وبريالة ومايدريش
اوهمني الواد انه قال
محترف تطنيش
وف لحظة صمت
ف ظهيرة سبت
ضرب المفاجأة اللي ما بتطيش
دفع المهر
فرق الشربات
في طريق النصر قال لهعيش
وف ليلة العرس
جاها العرص ملفوف ف كفن
كترت عليه الفرحة يا مسكين
فاكرين؟؟
مش قلنا من قبليها آهين
ف التالتة نضرب الودع
ساكت
مش قادر يقول الآه م الوجع
راحو الصحاب واتحطيت بلا علم
او ربما اوحيت للخلق بده الفيلم
بأني زاهد
وف الحق شاهد
وللعدل قاصد
ثم للرقاب حاصد
كأني سبحاني انا الواجد الماجد
وليس لي شريك انا من للكون ابتدع
واجي ف اخر الليل
لاجلن اداري كسوفي
اصرخ واقول انا جدع
ومين يرد ع الجدع!!
اذا كان الكل فطسان م الضحك
او م الرعب اتصرع
ويتواصل العرض
بمنظر فيه بخدع واتخدع
وليل
وضحك طويل
وشعب من الرعب
عايش ف نوبة صرع
وخيبة وخبال
وفرسة جموحة
ما يركبها غير خيال
وانا وهو وهو
تلاتة كنا صحاب
بالمريلة زي بعض كنا عيال
الاوله آه
والتانية آهين
والتالتة نسأل الودع
وتستنى الزينة جية الجدع
0000
000
0
13-5-2006
ايه رايك ؟ رايكم؟؟
كتبها amazis II في 03:37 مساءً ::
أبدع
يا هانيبال مصر
صغيري
انت بعمر ولدي لذا
اسميتك هكذا فلاتبتأس
هذه مصر الفرسة الجموح ولا انا غلطانة؟
بس بجد انا فهمت ولا ايه
يارب يطلع لنا جاهين اخر
تحياتي
الزميل احمد العكرمي .......
فاجئتني باسلوبك المختلف هذا عما قرأت لك من قبل و ليس التنويع عيب ولكن قد يكون حب التعبير باسلوب مختلف ما فعل هذا . عموما أتمنالك التوفيق
عفوا
اكيد لي الشرف اني اكون ابن حضرتك
ده احنا كلنا ابن الحياة ياسيدتي سناء نوري
وفعلا الفرسة ممكن تكون مصر ممكن تكون العراق
ممكن تكون لقا ومحبة وممكن تكون فراق
اما موضوع جاهين فجاهين لا ولن يتكرر
وكتر الف خيرك على عفوك سيدتي
فعلا يالولي
اما انت يااخي احمد
فانت العبد والمعبود والمعبد
ولك الشكر على هذه المساحة التي منحتني اياها من حياتك
الله يرحم الأول والثانى
ويبارك لنا فى صحة الثالث
ويعبر بنا لبر الأمان
ويحقق المستحيل
أما عنك
أسلوبك غير منضبط
ولايمثل ترابط
ونحن فى غنى عن هذا الأسلوب فى التدوين